MEJUAH-JUAH KITA KERINA
Ku ndabuhken batu ku Taneh
Tanehna megara ndube rupana
Arah angin ku peseh ateku tedeh
Nandangi kena impal si ateku Ngena
Medan nari ku Jakarta
terus aku ku Jogjakarta
Ertoto kita man Tuhan Dibata
Gelahna ersada pagi pendungina arih - arihta
Kitik gia buah cikala
Galang palu-paluna
Kentisik gia aku ngerana
Mbelin Pasu-pasuNa
Gundera salagundi
Rimo manis baba ku Kandibata
Mesera tuhu ibas pertibi
Senang malem adi ras Dibata
Bulung-bulung kalinjuhang bibi
Kerah-kerah bulung kelawes
Ateku tutus atendu lahang agi
Kujanari Ma Karo Lawes
Lit sekinku kitik-kitik
kutek-tekken ku bulung bewan
dagingku enda si kitik-kitik
tapi aku kange pereman medan
Mentas si kuda gara...
dua kepe ranteina
mbelin si anak mama
man bangku si mejilena
Kerja tahun i tiganderket
Melala kalak erbahan cimpa
Perban Nd.Ribu ukur nggo leket
Lanai aku beluh ngerana
Dalan-dalan ku pancur batu
Singgah kentisik nukur baju
Ateku ngena ndube man bandu
Erbahan aku enggo medungu
Melala nurung mas i tambak mbaru
Melala kertah i deleng sinabun
Si erteman ras Yesus Iblis pe la pang ngganggu
Tapi ola erminggu "sekali setahun"
Ikan nila i tambak Suka Makmur
Manggis tasak kulitna mbiring
Dibata nggit mereken pasu-pasuNa sampur
Adi lalah ketutusenta dekahen guling
Perpaler lau maler ku suah
Mesera kepeken terdo nangkeng-nangkeng
Si ernalem man Tuhan jumpasa tuah
Jumpa ate malem datsa ate keleng
Wortel ras Lobak i suan i juma
Perturahna mejile la kurang pupuk
Ngoge kata Dibata ola kita lupa
Gelah jumpa pe si jahat la kita subuk
Lobak mbentar wortel megersing
I baba ku tiga er keranjang-keranjang
Ertoto lebe maka erdahin em dahin si penting
Gelah pendahin sikap lalit si terbuang
Erdaya beras beras Arias
Entabeh nakanna adumna nurung
Encariken serpi tempa sakai pe labo bias
Saja inget ola lupa kubas wari Minggu pulung
I jandi meriah mejile lacina
Bage pe page gedang ruhina
Dibata mere eme simehulina
Kai nggo si ban adi kita enggo isampatiNa?
I suan bawang i juma Selandi
Perturahna sikap jumpa ate jadi
Erpengendes man Dibata la erngadi-ngadi
Pusuh si ceda enggo i tambari
Enda Gundera, Gundera Alas
Ku caleng sitik baba ku rumah
Adi lalah pengerananta medatas
Kerina kalak rate mekuah
Ku tabah buluh ku bahan belobo
I tengah juma kubahan inganna
Adi sekali-sekali ngenca si inget ertoto
Labo si gejap kekelengenNa banta
Kalak Karo la ngena atena penakit ACC
La kepe erngawan si buah tabu
Si nulak Yesus jadina bene
Si ernalem man Yesus ndatken pasu-pasu
Bola i tipak kabang kulebe
Si ayak-ayaken jelma ndatkenca
Adi ersada penggejapen keguluten pe bene
Baban si mbue pe la siakap mberatsa
Koor Moria tuhu sorana mejile
Tendengna cupingta la kita megelut
Adi nandangi teman kita mediate
Pusuhna senang bene ukur serbut
Adi keri ipen kesip me kurum
Ertuana jelma ijujungna me uban
Si nggeluh ras Yesus la kap iukum
Sabab dosana enggo ialemi Tuhan
Melala kembiri i kuta Buluh
Erngawan ngawan buluh i Sukarame
Adi bas pusuhta lit lalap gerupuh
Em tandana nggeluh langa jumpa dame
Pidato Soeharto tuhu berbobot
Isina eme kerna pembangunen
Megi kata Tuhan ola matanta ngenca melotot
Mulih kurumah lalit perubahen
Kerbo gunduk paksa ercebah
Melket dagingna erkubang-kubang
Tutuslah kita kerina ersembah
Ipasu-pasuNa geluhta la kai pe kurang
Gawah - gawah ku Sukanalu
Wari Selasa Tiga Binanga
Selamat Natal ras Menyambut Tahun Baru
man kerina pengunjung websitenta enda
Tuhu Meriah i Kabanjahe
Siayak - ayaken Borneo ras Sinabung Jaya
Ulanai Lolah ulanai dahinta Ndele
Ibas Dibata kai pe lalit si mesera
Deleng Sinabun mbue kertahna
Lau Kawar tepat iteruhna
enda salamku man bandu kerina
Dibata simasu - masu Lagu langkah ras pendahinta
No comments:
Post a Comment
Mejuah_Juah Kita Kerina